बेस्ट बसताफ्यामध्ये 6000 बसेस वाढवणार.
पुण्यात लवकरच प्रति लाख 50 बसेस.
मुंबई
आगामी काळात टप्प्याटप्प्याने बस ताफा वाढवून सार्वजनिक वाहतूक कार्यक्षम करण्याची बेस्टची बांधिलकी आहे, असे बेस्टचे महाव्यवस्थापक डॉ. सुरेंद्रकुमार बागडे यांनी जाहीर केले. ‘सम नेट इंडिया’च्या ‘लाख को 50’ या मोहिमेंतर्गत परिसरने आयोजित केलेल्या ‘टेक दि बस: ए पाथ टू सस्टेनेबल फ्यूचर ऑफ महाराष्ट्र’ अर्थात ‘महाराष्ट्राच्या शाश्वत भवितव्यासाठी बसवापर करा’ या वेबिनारमध्ये ते बोलत होते.पहिल्या टप्प्यासाठी 6,000 बसेस, म्हणजेच सध्याच्या बसताफ्याच्या दुप्पट बससंख्या, वाढवण्याचे लक्ष्य ठेवलेले आहे. जेव्हा या 6,000 बसेस मुंबईच्या रस्त्यांवर धावतील तेव्हा एक लाख लोकसंख्येमागे 50 बसेस हे प्रमाण साध्य झाले असेल, जी ‘लाख को 50’ मोहिमेची एक प्रमुख मागणी राहीलेली आहे. दुसऱ्या टप्प्यामध्ये आणखी 10,000 बसेस येतील, ज्यामुळे मुंबईच्या सार्वजनिक वाहतुकीतील बससंख्येची क्षमता देशातील अन्य शहरांच्या तुलनेत सर्वाधिक होईल.
बससेवा ही मुंबईची लाईफलाईन झालेली असून अधिकाधिक बस रस्त्यावर उतरवण्यासाठी तातडीने उपाययोजना केल्या जाणार असल्याचे डॉ. बागडे यांनी सांगितले. बस ताफा भाडेतत्वावर घेण्यासाठी टेंडर मागवण्यापासून ते निकामी, अकार्यक्षम बसेस बदलून नव्या बसेस आणण्यापर्यंत विविध गोष्टींचा त्यामध्ये समावेश राहील.
वृत्तपत्रातील बातम्या
पुणे
पुण्यातील बससेवा सुधारण्यासाठी प्रति लाख लोकसंख्येमागे 50 बसेस हे प्रमाण वाढवण्यासाठी पुणे महानगर परिवहन महामंडळ मर्यादित (PMPML) वचनबद्ध आहे असे, पीएमपीएमएलचे नवनिर्वाचित अध्यक्ष आणि व्यवस्थापकीय संचालक श्री. राजेंद्र जगताप यांनी जाहीर केले. नव्या 650 इलेक्ट्रीक बसेस भाडेतत्वार घेण्याचे ठरले असून यांसह आणखीही आवश्यक उपाययोजना आखल्या जात आहेत, असे सांगून प्रति लाख लोकसंख्येमागे 50 बसेसचे उद्दिष्ट आगामी काळात टप्प्याटप्प्याने साध्य केले जाईल ही ग्वाही त्यांनी दिली.वृत्तपत्रातील बातम्या